Big Breaking: ଘାଟିରେ ଓଲଟିଲା ‘ଧଉଳି ଗଣନାଟ୍ୟ’ ଟ୍ରକ, ୫ ମୃତ, ୧୨ ଗୁରୁତର

ବାରିପଦା: ଘାଟିରେ ଏକ ଯାତ୍ରା ପାର୍ଟି ଟ୍ରକ ଓଲଟି ପଡି ୫ ଜଣଙ୍କର ମୃତ୍ୟୁ ହୋଇଥିବା ଖବର ବର୍ତ୍ତମାନ ସାମ୍ନାକୁ ଆସିଛି । ଏହି ଦୁର୍ଘଟଣାରେ ୧୨ରୁ ଅଧିକ ଗୁରୁତର ଅଛନ୍ତି । ସମସ୍ତ ଗୁରୁତରଙ୍କୁ ମେଡିକାଲରେ ଭର୍ତ୍ତି କରାଯାଇଛି । ୪୯ନଂ ଜାତୀୟ ରାଜପଥ ବାଙ୍ଗିରିପୋଷି ଘାଟିରେ ଏହି ଦୁର୍ଘଟଣାଟି ଘଟିଛି ।

ସୂଚନା ଅନୁଯାୟୀ, ଯାତ୍ରା ପାର୍ଟି ଲୋକେ ଏକ ଟ୍ରକରେ ଯାତ୍ରା କରୁଥିବା ସମୟରେ ଏପରି ଅଘଟଣ ଘଟିଛି । ଯାହାଦ୍ୱାରା ଘଟଣାସ୍ଥଳରେ ୫ ଜଣଙ୍କର ମୃତ୍ୟୁ ଘଟିଥିବା ବେଳେ ୧୨ ଜଣ ଆହତ ହୋଇଛନ୍ତି । ଘାଟିରେ ଗାଡ଼ି ଓଲଟି ପଡିଲା ପରେ ନିକଟରେ ଥିବା ଲୋକେ ପୋଲିସ ଏବଂ ଆମ୍ବୁଲାନ୍ସକୁ ଡାକି ଉଦ୍ଧାର କାର୍ଯ୍ୟ ଆରମ୍ଭ କରିଥିଲେ । ବର୍ତ୍ତମାନ ପୋଲିସ ତଦନ୍ତ ଚଳାଇଛି ।

ଏହି ଟ୍ରକଟି ରାଇରଙ୍ଗପୁରରୁ ଜଳେଶ୍ୱର ଅଭିମୁଖେ ଯାଉଥିଲା । ଗାଡ଼ିରେ ଲାଇଟ ସରଞ୍ଜାମ ନେଇ ଟ୍ରକରେ କର୍ମଚାରୀମାନେ ଯାଉଥିଲେ । ଦୁର୍ଘଟଣାରେ ସମସ୍ତ ୧୨ ଜଣ ଗୁରୁତରଙ୍କୁ ବାଙ୍ଗିରିପୋଷି ମେଡିକାଲରେ ଭର୍ତ୍ତି କରାଯାଇଛି ।