କେବେ ଶସ୍ତା ହେବ ପେଟ୍ରୋଲ-ଡିଜେଲ୍, ବଡ଼ ଘୋଷଣା କଲେ କେନ୍ଦ୍ର ମନ୍ତ୍ରୀ ହରଦୀପ ସିଂ ପୁରୀ!
ନୂଆଦିଲ୍ଲୀ: ପେଟ୍ରୋଲ-ଡିଜେଲର ଦାମକୁ ନେଇ ସାଧାରଣ ଜନତା ଚିନ୍ତିତ ଅଛନ୍ତି । ଦୀର୍ଘ ଦିନ ଧରି ପେଟ୍ରୋଲ ଏବଂ ଡିଜେଲ ମୂଲ୍ୟରେ କୌଣସି ପରିବର୍ତ୍ତନ ହୋଇନାହିଁ । ସେପଟେ କେନ୍ଦ୍ର ପେଟ୍ରୋଲିୟମ ମନ୍ତ୍ରୀ ହରଦୀପ ସିଂ ପୁରୀ ଏକ ବଡ ସୂଚନା ଦେଇଛନ୍ତି । କେନ୍ଦ୍ରମନ୍ତ୍ରୀ କହିଛନ୍ତି ଯେ, ଭାରତ ହେଉଛି ବିଶ୍ୱର ତୃତୀୟ ବୃହତ୍ତମ ଶକ୍ତି ଉପଭୋକ୍ତା ଦେଶ । ଏଭଳି ପରିସ୍ଥିତିରେ ଭାରତରେ ପେଟ୍ରୋଲ ଏବଂ ଡିଜେଲର ମୂଲ୍ୟ ଶୀଘ୍ର ହ୍ରାସ ପାଇବ । ହରଦୀପ ସିଂ ପୁରୀ କହିଛନ୍ତି ଯେ, ଯେଉଁଠାରେ ଆମେ ଶସ୍ତା ମୂଲ୍ୟରେ ତେଲ ପାଇଥାଉ, ଆମେ କେବଳ ସେଠାରୁ କିଣିବୁ ।
ଭାରତ ଶକ୍ତି ସପ୍ତାହରେ ସେ ଏ ବିଷୟରେ ସୂଚନା ଦେଇଛନ୍ତି । ଏହା ସହିତ ସେ କହିଛନ୍ତି ଯେ, ଭାରତର ଶକ୍ତି ସୁରକ୍ଷା ସହିତ ଆମକୁ ନିଶ୍ଚିତ କରିବାକୁ ପଡିବ ଯେ, ଶସ୍ତା ପେଟ୍ରୋଲ ନାଗରିକଙ୍କ ପାଇଁ ଉପଲବ୍ଧ ହେବ । ଏହା ସହ ଗ୍ଲୋବାଲ ଶକ୍ତି ପରିବର୍ତ୍ତନରେ ଭାରତର ଭୂମିକା ପାଇଁ ପ୍ରଧାନମନ୍ତ୍ରୀଙ୍କ ଦୀର୍ଘକାଳୀନ ଦୂରଦୃଷ୍ଟି ମଧ୍ୟ ପ୍ରତିଫଳିତ ହୋଇଛି ।
ଏହା ସହିତ ପୁରୀ କହିଛନ୍ତି ଯେ, ଦେଶ ନିଜର ତୈଳ ଆବଶ୍ୟକତାର ୮୫ ପ୍ରତିଶତ ଏବଂ ପ୍ରାକୃତିକ ଗ୍ୟାସର ପ୍ରାୟ ୫୦ ପ୍ରତିଶତ ଆମଦାନୀ ମାଧ୍ୟମରେ ପୂରଣ କରୁଛି । ଏଥି ସହିତ ଆଖୁ ଏବଂ ଅନ୍ୟାନ୍ୟ କୃଷି ମାଧ୍ୟମରେ ପ୍ରାପ୍ତ ଇଥାନଲ ପେଟ୍ରୋଲ ସହିତ ମିଶ୍ରିତ ହେଉଛି ଯାହା ଦ୍ୱାରା ଆମଦାନୀ ଉପରେ ନିର୍ଭରଶୀଳତା ହ୍ରାସ ପାଇବ । ବର୍ତ୍ତମାନ ଏହା ଦେଶରେ ବହୁ ପରିମାଣରେ ଆମଦାନୀ ହେଉଛି ।
ଅନ୍ୟ ଦେଶ ଉପରେ ନିର୍ଭରଶୀଳତା ହ୍ରାସ କରିବା ପାଇଁ ଆମଦାନି କରାଯାଉଛି । ଏହା ସହିତ ପୁରୀ କହିଛନ୍ତି ଯେ, ୨୦୨୫ ସୁଦ୍ଧା ପେଟ୍ରୋଲରେ ୨୦ ପ୍ରତିଶତ ଇଥାନଲ ମିଶ୍ରଣ କରିବାକୁ ସରକାର ଲକ୍ଷ୍ୟ ରଖିଛନ୍ତି । ଏହା ସହିତ ସବୁଜ ଶକ୍ତି କ୍ଷେତ୍ରରେ ଦେଶକୁ ଆଗକୁ ନେବା ପାଇଁ ଯୋଜନା ଅଛି ।
ପ୍ରଧାନମନ୍ତ୍ରୀ ମୋଦୀ ଭାରତ ଶକ୍ତି ସପ୍ତାହର ଉଦଘାଟନ କରିଛନ୍ତି । ଏଥିରେ ସେ କହିଛନ୍ତି ଯେ, ଶକ୍ତି କ୍ଷେତ୍ରରେ ଭାରତ ଦ୍ରୁତ ଗତିରେ ଆଗକୁ ବଢ଼ୁଛି । ଏହି କ୍ଷେତ୍ରରେ ଅନେକ ସମ୍ଭାବନା ଦେଖିବାକୁ ମିଳୁଛି । କରୋନା ମହାମାରୀ ପରେ ମଧ୍ୟ ଦେଶରେ ଅନେକ ପ୍ରକାରର ସୁବିଧା ଦେଖାଯାଉଛି ।
