ଭାରତରେ ବିକ୍ରି ହୋଇଥିବା Baby Cerealରେ ଚିନି ମିଶାଉଛି Nestle, କିନ୍ତୁ ୟୁରୋପ କି ବ୍ରିଟେନରେ ନୁହେଁ : ଷ୍ଟଡୀ
ପିଲାମାନଙ୍କୁ ଦିଆଯାଉଥିବା ନେଷ୍ଟଲେ ପ୍ରଡକ୍ଟଗୁଡ଼ିକ ବିଷୟରେ ଏକ ଆଶ୍ଚର୍ଯ୍ୟଜନକ ରିପୋର୍ଟ ଆସିଛି । ବିଶ୍ୱର ସର୍ବବୃହତ ଉପଭୋକ୍ତା ସାମଗ୍ରୀ ଏବଂ ଶିଶୁ ଫର୍ମୁଲା ନିର୍ମାତା ନେଷ୍ଟଲେ ଭାରତ ତଥା ଅନ୍ୟାନ୍ୟ ଏସୀୟ ଏବଂ ଆଫ୍ରିକୀୟ ଦେଶରେ ବିକ୍ରି ହେଉଥିବା ଶିଶୁ ଦୁଗ୍ଧ ଏବଂ ଶସ୍ୟ ଉତ୍ପାଦରେ ଚିନି ମିଶାଉଛନ୍ତି ବୋଲି ଏକ ନୂତନ ରିପୋର୍ଟରେ ଦର୍ଶାଯାଇଛି।
ସୁଇଜରଲାଣ୍ଡ କମ୍ପାନୀଗୁଡିକ ଉପରେ ନଜର ରଖୁଥିବା ଏକ ୱେବସାଇଟ ‘ପବ୍ଲିକ ଆଇ’ ଦ୍ୱାରା କରାଯାଇଥିବା ଏକ ଅନୁସନ୍ଧାନରୁ ଜଣାପଡିଛି ଯେ, ଯେତେବେଳେ ନେସଲେ ବ୍ରିଟେନ ଏବଂ ଜର୍ମାନୀ ଭଳି ବିକଶିତ ଦେଶରେ ଏହି ବେବିଫୁଡ୍ ବ୍ରାଣ୍ଡ ବିକ୍ରୟ କରନ୍ତି, ସେତେବେଳେ ସେଗୁଡ଼ିକରେ ଚିନି ନ ଥାଏ।
ନେସଲେ ସ୍ବିଜରଲ୍ୟାଣ୍ଡର ଏକ ପ୍ରସିଦ୍ଧ କମ୍ପାନୀ, ଯାହାର ଉତ୍ପାଦ ସମଗ୍ର ବିଶ୍ୱରେ ବିକ୍ରି ହୁଏ।
‘ପବ୍ଲିକ ଆଇ’ ରିପୋର୍ଟ କରିଛି ଯେ ନେସଲେ ଅନେକ ଦେଶରେ ଶିଶୁ କ୍ଷୀର ଏବଂ ସେରେଲାକ ଉତ୍ପାଦରେ ଚିନି ଏବଂ ମହୁ ବ୍ୟବହାର କରନ୍ତି। ଏହା କରିବା ହେଉଛି ମେଦବହୁଳତା ଏବଂ କ୍ରନିକ ରୋଗକୁ ରୋକିବା ପାଇଁ ଅନ୍ତର୍ଜାତୀୟ ନିର୍ଦ୍ଦେଶାବଳୀଗୁଡିକର ଉଲ୍ଲଂଘନ। ନେସଲେର ନିୟମ ଉଲ୍ଲଂଘନ ମାମଲା ଏସିଆ, ଆଫ୍ରିକା ଏବଂ ଦକ୍ଷିଣ ଆମେରିକାର ଦେଶରେ ଦେଖିବାକୁ ମିଳିଛି। ତେବେ ଏହା ଭାରତର ସମସ୍ତ ନିୟମ ପାଳନ କରୁଛି ବୋଲି କମ୍ପାନୀ କହିଛି।
ଅନୁସନ୍ଧାନରୁ ଜଣାପଡିଛି ଯେ, ଭାରତରେ ବିକ୍ରି ହେଉଥିବା ସମସ୍ତ ୧୫ ସେରେଲାକ ଶିଶୁ ଉତ୍ପାଦରେ ନିର୍ଦ୍ଦିଷ୍ଟ ପରିମାଣ ତଥା ହାରାହାରି ୩ ଗ୍ରାମ ଚିନି ରହିଥାଏ। ପିଲାମାନଙ୍କୁ ଏକ ସମୟରେ କେତେ ପରିମାଣର ସେରେଲାକ ଦିଆଯିବା ଉଚିତ ତାହା କମ୍ପାନୀ କହିଛି । ଆଫ୍ରିକାର ଇଥିଓପିଆ ଏବଂ ଏସିଆର ଥାଇଲ୍ୟାଣ୍ଡ ଭଳି ଦେଶରେ ୬ ଗ୍ରାମ ଚିନି ମିଳିଛି। ଏଠାରେ ଧ୍ୟାନ ଦେବା କଥା ହେଉଛି. ଯେତେବେଳେ ସମାନ ଉତ୍ପାଦ ଜର୍ମାନୀ ଏବଂ ବ୍ରିଟେନ ପରି ବିକଶିତ ଦେଶରେ ବିକ୍ରି ହୁଏ, ସେତେବେଳେ ସେଗୁଡ଼ିକରେ ଚିନି ନ ଥାଏ।
ନେସଲେର ଚତୁରତା ମଧ୍ୟ ଏଥିରୁ ସ୍ପଷ୍ଟ ହୋଇଛି ଯେ, ଏହା ପ୍ରାୟତଃ ଦ୍ରବ୍ୟର ପ୍ୟାକେଜିଂରେ ଏଥିରେ କେତେ ଚିନି ଅଛି ସେ ସମ୍ବନ୍ଧରେ ସୂଚନା ଦେଇ ନ ଥାଏ। ରିପୋର୍ଟରେ କୁହାଯାଇଛି ଯେ ନେସଲେ ଏହାର ଉତ୍ପାଦରେ ଥିବା ଭିଟାମିନ, ମିନେରାଲ୍ସ ଏବଂ ଅନ୍ୟାନ୍ୟ ପୋଷକ ତତ୍ତ୍ୱ ବିଷୟରେ ସୂଚନା ପ୍ରଦାନ କରିଥାଏ, କିନ୍ତୁ ଯେତେବେଳେ ଚିନି ମିଶା ଯାଇଥାଏ, ସେତେବେଳେ ଏହା ଆଦୌ ସ୍ବଚ୍ଛ ନୁହେଁ। ନେସଲେ ୨୦୨୨ରେ ଭାରତରେ ୨୦,୦୦୦ କୋଟିରୁ ଅଧିକ ମୂଲ୍ୟର ସେରେଲାକ ଉତ୍ପାଦ ବିକ୍ରି କରିଛନ୍ତି।
ବ୍ରିଟେନ ପରାମର୍ଶ ଦେଇଛି ଯେ ଓଜନ ବଢିବା ଏବଂ ଦାନ୍ତ ନଷ୍ଟ ହେବା ଭଳି ବିପଦ କାରଣରୁ ଚାରି ବର୍ଷରୁ କମ୍ ପିଲାମାନଙ୍କୁ ଅତିରିକ୍ତ ଚିନି ଥିବା ଖାଦ୍ୟରୁ ଦୂରେଇ ରଖିବା ଉଚିତ୍ । ଆମେରିକାର ସରକାରୀ ନିର୍ଦ୍ଦେଶାବଳୀ ଦୁଇ ବର୍ଷରୁ କମ୍ ବୟସର ପିଲାଙ୍କ ପାଇଁ ଶର୍କରାଯୁକ୍ତ ଖାଦ୍ୟ ଏବଂ ପାନୀୟରୁ ଦୂରେଇ ରହିବାକୁ ପରାମର୍ଶ ଦେଇଥାଏ ।
